საზოგადოება

ექსტერნატის გამოცდებზე რეგისტრაციისთვის დრო გახანგრძლივდა

ექსტერნატის გამოცდებზე რეგისტრაციისთვის დრო გახანგრძლივდა. როგორც განათლების სამინისტროში აცხადებენ, მოსწავლეთა ინტერესებიდან გამომდინარე, I-XII კლასების ზოგადსაგანმანათლებლო სასწავლო პროგრამის ექსტერნატის ფორმით დაძლევის მსურველთათვის ვადა გახანგრძლივდა და რეგისტრაციის დამატებით თარიღად 2020 წლის 18 თებერვალი განისაზღვრა.

„ექსტერნატის ფორმით დაძლევის მსურველთათვის, საქართველოს განათლების, მეცნიერების, კულტურისა და სპორტის სამინისტროს მიერ რეგისტრაცია 3-დან 10 თებერვლის ჩათვლით  იყო გამოცხადებული. თუმცა, რეგისტრაციის ვადის ამოწურვის შემდეგ, სამინისტროს სკოლამდელი და ზოგადი განათლების განვითარების დეპარტამენტს მიმართეს მოქალაქეებმა, რომლებმაც სხვადასხვა ობიექტური გარემოებების გამო დადგენილ ვადებში ვერ შეძლეს ექსტერნად რეგისტრაცია. სამინისტრომ თხოვნა გაითვალისწინა და მათთვის რეგისტრაციის დამატებითი ვადები განისაზღვრა“, – აცხადებენ სამინისტროში.

მატივე ინფორმაციით, ექსტერნის გამოცდაზე გასვლის უფლება აქვთ იმ პირებს, რომლებიც გარკვეული მიზეზების გამო სასწავლო პროცესს ჩამოშორებული არიან და ზოგადი განათლების დამადასტურებელი სრული დოკუმენტი არ აქვთ, ასევე, იმ პირებს, რომლებიც სწავლობენ სკოლაში, თუმცა მათი ასაკი კანონმდებლობით განსაზღვრულ მინიმალურ ასაკს აღემატება და პროგრამის ექსტერნატის ფორმით დაძლევასთან დაკავშირებით სურვილს გამოთქვამენ.

მსგავსი სიახლეები

აბაშაში უბედური შემთხვევა მოხდა- მამაკაცს ხე დაეცა

editor

ლგბტ დროშიანი დრონი “თბილისი პრაიდის” მოწინააღმდეგეების აქციაზე

რედაქტორი

უბედური შეთხვევა რუსთავში მანქანა ქვეითს დაეჯახა

editor