პოლიტიკა

რომან გოცირიძე – მინდა მივმართო თქვენს კურსელებს, ყველას ვეპატიჟები სახინკლეში, ვინც თქვენნაირ დიპლომს მომიტანს

მე მინდა მივმართო თქვენს კურსელებს, ყველას ვეპატიჟები სახინკლეში, ვინც თქვენნაირ დიპლომს მომიტანს, – ასე მიმართა უზენაესი სასამართლოს მოსამართლეობის კანდიდატს და მოქმედ გენერალურ პროკურორ შალვა თადუმაძეს ფრაქცია „ნაციონალური მოძრაობის“ თავმჯდომარე რომან გოცირიძემ პარლამენტის იურიდიულ საკითხთა კომიტეტის სხდომაზე.

მისივე თქმით, ის შალვა თადუმაძეს მოახსენებს შედეგებს, თუ რამდენი ადამიანი გამოეხმაურება.

„მე მინდა მივმართო თქვენს კურსელებს: მეგონა, იქნებოდა ჯგუფში 20 კაცი, მაგრამ თქვენ ახლა თქვით, რომ იყო რამდენიმე ათეული. ალბათ, მთელი ჩემი ერთი თვის ხელფასი ამით სამწუხაროდ, აორთქლდება, მაგრამ, მე მათ ვთავაზობ, ყველას, მთელ თქვენს ჯგუფს, ვინც დაადასტურებს, რომ იყო თქვენი თანაკურსელი, ოღონდ არ მომატყოთ, მე მექნება ხელში ეს თქვენი დიპლომი, ვინც ზუსტად ასეთ დიპლომს მომიტანს, ყველას ვეპატიჟები თბილისის უმაგრეს სახინკლეში,“- განაცხადა რომან გოცირიძემ.

თავის მხრივ, ამ საკითხის „ორგანიზება“ თავის თავზე აიღო შალვა თადუმაძემ.

„დავაორგანიზებ, ბატონო რომან“,- მიმართა მან გოცირიძეს.

მსგავსი სიახლეები

მამუკა ბახტაძე მსოფლიო ბანკის რეგიონულ დირექტორს სამხრეთ კავკასიაში სებასტიან მოლინეუსს შეხვდა

რედაქტორი

ანა დოლიძემ და ნაზი ჯანეზაშვილმა იუსტიციის უმაღლეს საბჭოში გასაუბრების პროცესი პროტესტის ნიშნად დატოვეს

რედაქტორი

დავით უსუფაშვილი: პირველ რიგში საკუთარი ხალხის სირცხვილი თავად ხარ, მერე პუტინია რუსი ხალხის სირცხვილი და მერე გაბუნია – ქართველი ხალხის

რედაქტორი